Toshkent, O‘zbekiston (UzDaily.uz) — Click xizmati onlayn to‘lovlar platformalari orasida yetakchiga aylandi va jami tranzaksiyalar sonining 33 foizini egalladi. Ikkinchi va uchinchi o‘rinlarni Paynet (15%) va Payme (12%) ilovalari egalladi.

HUMO kartalari o‘rtasidagi o‘tkazmalar uchun foydalanuvchilar ko‘pincha Click (33%), Paynet (26%) va Payme (15%) ni tanlashgan. Bundan tashqari, Xazna (8%) va Zoomrad (6%) ilovalari ham ommalashdi.

UZCARD kartalariga (yoki kartalaridan) o‘tkazmalar uchun eng ko‘p Click (27%), Payme (18%) va Paynet (14%) ilovalari ishlatilgan.

Click xizmati ushbu yo‘nalishdagi barcha operatsiyalarning 22 foizini ta’minlab, yetakchi bo‘ldi. Paynet va Anorbank ilovalari har biri 14% bilan ikkinchi va uchinchi o‘rinlarni egalladi.

HUMO kartalari orqali konversiya amaliyotlarida Ipak Yuli Mobile (26%) va Hamkor Bank (12%) ilovalari yetakchilik qilmoqda. Keyingi o‘rinlarni Zoomrad (11%), Uzum Bank (10%) va Kapitalbank (10%) egallagan.