Toshkent, O‘zbekiston (UzDaily.uz) — Monopoliyaga qarshi qo‘mita tomonidan “Hayot birja” AJning tovar-xom ashyo birjasi sifatida faoliyat yuritish uchun litsenziya olish to‘g‘risidagi arizasi ko‘rib chiqildi. Ko‘rib chiqish yakunlari bo‘yicha litsenziya berish to‘g‘risida qaror qabul qilindi.

Eslatib o‘tamiz, Vazirlar Mahkamasining 2024-yil 12-sentabrdagi 570-son qaroriga muvofiq, tovar-xom ashyo birjalarining eng kam ustav kapitali 2024-yil 1-noyabrdan boshlab kamida 100 mlrd so‘m, 2025-yil 1-iyuldan boshlab esa 200 mlrd so‘mni tashkil etishi shart.

2024-yil oktabr oyi oxirida “Hayot birja” AJ aksiyadorlari ustav kapitalini oshirishga qaror qilishdi. Buning doirasida qo‘shimcha aksiyalar chiqarish va joylashtirish orqali qo‘shimcha pul mablag‘lari hisobidan birja kapitali 86,35 mlrd so‘mga oshirilib, 102,0 mlrd so‘mga yetkazildi.