Toshkent, O‘zbekiston (UzDaily.uz) — "O‘zatom" agentligida amerikalik ekspert ishtirokida "Atom energetikasi: manfaatdor tomonlar bilan birgalikda infratuzilmani yaratish" mavzusida seminar bo‘lib o‘tdi.

Seminarni Xalqaro atom energiyasi agentligi (XAEA) eksperti, AQShning yadro energetikasi sohasida manfaatdor tomonlar bilan o‘zaro hamkorlik masalalari bo‘yicha maslahatchisi Kelli Barfild olib bordi.

Seminar ishtirokchilari — "O‘zatom" agentligi mutaxassislari va AES qurilishi direksiyasi xodimlari yadro energetikasi sohasidagi milliy dasturlarning asosiy vakillari, shu jumladan xususiy sektor va ilmiy-tadqiqot tashkilotlari bilan samarali hamkorlikni yo‘lga qo‘yish masalalarini ko‘rib chiqdilar.

"Energiya hamma narsaga "kuch" beradi. Kilovattlar orzularni ro‘yobga chiqaradi. Ishonchli va arzon elektr energiyasi bo‘lmasa, mamlakat iqtisodiyotini oldinga siljita olmaysiz. Bu har doim fundamental bo‘lgan", — dedi Kelli Barfild.

Ekspertlar AQShning ilg‘or tajribasini o‘rganish, amaliy misollar va manfaatdor tomonlarni atom sanoatini rivojlantirishga jalb qilish vositalariga alohida e’tibor qaratdilar.

"Biz resurslarni butun dunyodan olamiz. Aynan shuning uchun sizning, masalan, XAEA yoki Qo‘shma Shtatlar kabi rivojlanayotgan ishlab chiqaruvchi mamlakatlar bilan hamkorligingiz juda muhim", — deya qo‘shimcha qildi ekspert.

Bundan tashqari, seminar ishtirokchilari AES xavfsizligini ta’minlovchi texnologiyalar, shuningdek, elektr energiyasiga bo‘lgan ehtiyojning ortib borishi sharoitida atom energetikasining ijtimoiy-iqtisodiy istiqbollarini muhokama qildilar.