Toshkent, O‘zbekiston (UzDaily.uz) — O‘zbekistonning Centrum Air aviakompaniyasi 2 oktyabrdan boshlab Toshkent bilan Kopengagen o‘rtasida to‘g‘ridan-to‘g‘ri aviaqatnovni ochadi. Kompaniya uchun bu Yevropaga qaratilgan ilk yo‘nalish bo‘ladi.

Parvozlar haftaning seshanba va payshanba kunlari amalga oshiriladi. Material chop etilgan vaqtda chipta narxi $279 dan boshlanmoqda.

«Centrum Air Daniyadan uchadigan yo‘lovchilarga Toshkent orqali qulay tranzit yo‘nalishlarni taklif etadi: Bangkok, Seul, Guanchjou, Pxuket, Tel-Aviv, Olmaota, Dushanbe, Bishkek va boshqa shaharlar», — deyiladi aviakompaniya xabarida.

Yangi yo‘nalishning ochilishi Kopengagenni kompaniyaning yo‘nalishlar tarmog‘iga qo‘shish va Toshkentning mintaqaviy aviahao‘b sifatidagi pozitsiyalarini mustahkamlashga xizmat qiladi.

Kompaniya, shuningdek, Yevropaga parvozlarni kengaytirish rejalari borligini, jumladan Manchester, Frankfurt, Madrid, Barselona va Rimga reyslar ochishni mo‘ljallayotganini maʼlum qildi.