Toshkent, O‘zbekiston (UzDaily.uz) — Bugun, 10 fevral kuni Buxoro viloyatida diametri 1020 mm bo‘lgan magistral gaz quvurida gaz sizib chiqishi kuzatildi, natijada yong‘in sodir bo‘ldi.

Energetika vazirligi matbuot xizmatining maʼlumotiga ko‘ra, hozirda hodisa oqibatlarini bartaraf etish uchun zarur choralar ko‘rilmoqda.

Viloyat favqulodda holatlar boshqarmasining maʼlum qilishicha, avariya soat 11:26 da «Buxoro – Ural» gaz quvurining 106-chaqirig‘i, “Gazli” magistral gaz quvurlari boshqarmasiga qarashli hududda, Romitan tumani markazidan taxminan 40 km uzoqlikda sodir bo‘lgan. Soat 11:30 da tezkor ravishda gaz quvurining ventillari yopilgan, shundan so‘ng quvurda qolgan gaz chiqib ketgan. Hozirgi paytda avariya to‘liq bartaraf etilgan.

Dastlabki maʼlumotlarga ko‘ra, hodisa natijasida jabrlanganlar yo‘q. Hodisa joyida viloyat Favqulodda holatlar boshqarmasi xodimlari, tuman bo‘limi boshlig‘i va yong‘in-qutqaruv ekipaji ish olib bormoqda.