Toshkent, O‘zbekiston (UzDaily.uz) — Bir qator Yevropa mamlakatlariga amaliy tashrif buyurayotgan "BMB Holding" kompaniya delegatsiyasi 30-31-yanvar kunlari Shvetsiyaga tashrif buyurmoqda, deb xabar qilmoqda "Dunyo" AA muxbiri.

O'zbekiston elchixonasi ko'magida tashkil etilgan muzokaralarda "BMB Holding" kompaniyasi tomonidan ishlab chiqarilayotgan meva-sabzavot va boshqa mahsulotlarni Shvetsiya va Norvegiya bozorlariga yetkazib berish istiqbollari muhokama qilindi.

Xususan, Shvetsiyaning Yevroosiyo bo'yicha savdo-sanoat palatasi bosh direktori Xayns Syegren, shuningdek, "ALWAID", "Pars Saffran AB", "Exotic Fruit AS" (Norvegiya) va boshqa kompaniyalar rahbariyati bilan samarali muzokaralar o'tkazildi.