Toshkent, O‘zbekiston (UzDaily.uz) — 2025 yil 27 yanvar kuni Anor Bank Toshkent shahri, Istiqlol ko‘chasi, 21-uy manzilida joylashgan binolarni 254,6 mlrd so‘mga sotib oldi. Bundan avval bu binolar Uzbekneftegaz kompaniyasining shoʻba tashkiloti «NEFT GAZ BINO INSHOAT» balansida bo‘lgan.

Bundan tashqari, 10 yanvar kuni tuzilgan shartnoma asosida Anor Bank Shahrisabz ko‘chasi, 85a manzilida joylashgan va Uztransgazga tegishli bo‘lgan binolarni 185 mlrd so‘mga sotib oldi.

Eslatib o‘tamiz, vazirlik va idoralar bosqichma-bosqich Yangi Toshkentga ko‘chirilmoqda. Yangi shaharda vaqtinchalik maʼmuriy binolarning qurilishi davom etmoqda, jumladan, to‘rtta yengil turdagi binolar va yordamchi inshootlar barpo etilmoqda.