Toshkent, O‘zbekiston (UzDaily.uz) — 2025 yilning yanvar-iyun oylarida Milliy statistika qo‘mitasi maʼlumotlariga ko‘ra, Malayziyaga O‘zbekistondan taxminan 5 ming fuqaro sayyohlik maqsadida tashrif buyurgan.

Bu ko‘rsatkich o‘tgan yilning shu davriga nisbatan qariyb bir ming kishiga ko‘payib, 26,4 foizga o‘sgan.

Malayziyaga safar qilgan O‘zbekiston fuqarolarining umumiy sonidan 4 220 kishi turizm maqsadida, 478 kishi qarindoshlarini ziyorat qilish uchun, 185 kishi xizmat safarida, 93 kishi taʼlim olish uchun va 5 kishi davolanish uchun yo‘l olgan.