Ўзбекистон 674,6 млрд. сўмлик медицина маҳсулотлари ишлаб чиқарди
20/01/2016 23:08
Ўзбекистон 674,6 млрд. сўмлик медицина маҳсулотлари ишлаб чиқарди
20/01/2016 23:08
Тошкент, Ўзбекистон (UzDaily.uz) -- Аҳолини сифатли дори-дармон воситалари ва тиббий буюмлар билан таъминлаш борасида комплекс чора-тадбирларнинг амалга оширилиши, медицина саноати корхоналари томонидан маҳсулот ишлаб чиқариш ҳажмининг оширилиши учун имконият яратди.
2015-йилнинг январь-декабрь ойларида медицина саноати корхоналари томонидан 674,6 млрд. сўмлик маҳсулотлар ишлаб чиқарилиб, ўсиш суръати ўтган йилга нисбатан 128,9%ни, тармоқнинг саноат ишлаб чиқариш умумий ҳажмидаги улуши 0,7%ни ташкил қилди (2014 йил январ-декабрида- 0,6%).
Ҳисобот даврида, 2014-йилнинг январь-декабрь ойларига нисбатан, тармоқдаги йирик саноат корхоналари томонидан ишлаб чиқариш кўрсаткичлари қўйидаги маҳсулот турлари бўйича оширилди: товарларни транспортда ташиш ёки қадоқлаш учун шиша ампулалар – 2,8 мартага, провитаминлар, витаминлар ва уларнинг ҳосилалари – 2,3 мартага, таркибида гормонлар ёки антибиотиклар бўлмаган медикаментлар – 1,3 мартага ва бошқалар.
Медицина маҳсулотлари ишлаб чиқариш ҳажмининг асосий қисми Тошкент шаҳри (тармоқнинг умумий ҳажмидаги улуши 56,4%) ва Тошкент вилояти (20,4%) корхоналари хиссасига тўғри келади.
Тармоқнинг кичик тадбиркорликка кирадиган корхоналари томонидан ишлаб чиқарилган маҳсулот ҳажмининг 2014-йилнинг 12 ойига нисбатан 1,4 мартага ошишига эришилди, уларнинг медитсина саноати тармоғи умумий ҳажмидаги улуши 64,3 %га тенг бўлди.
Ҳозирги вақтда республикада тармоқнинг 267 та корхонаси фаолият кўрсатмоқда, улардан 64 таси 2015-йил давомида ташкил қилинган.
$ 1 | 12570.00 | +0.024% |
1 | 13698.79 | -0.378% |
₽ 1 | 136.91 | -0.270% |