SamAuto 2022 йилга қадар электр автобусларини ишлаб чиқаришни ўзлаштиради

 

2020 йил 19 ноябрда SamAuto компанияси 51-маршрутда (Юнусобод-Бешёғоч майдонининг 6-квартали) ҳаракатланадиган “Тошшаҳартрансхизмат” AЖга синовли электр автобусини топширди. Бу ҳақда компания матбуот хизмати хабар бермоқда.

Aмалиёт давомида SamAuto мутахассислари ўз электр автобусини ишлаб чиқишда уларни ҳисобга олиш учун йўловчилар ва ҳайдовчиларнинг фикр-мулоҳазаларини, шунингдек ушбу моделнинг сифати ва функционаллигини кузатадилар ва ўрганадилар.

“Электр автобуси электромобиллар ишлаб чиқариш бўйича дунёда етакчилардан бири бўлган BYD томонидан ишлаб чиқарилган. Бир заряд учун юрган масофа 300 км ни ташкил этади, бу шаҳар автобусининг ўртача кунлик юришига тўғри келади. Тўлиқ қувватни тунда 3-4 соат ичида амалга ошириш мумкин. Электр автобуслари техник хизмат кўрсатишда оддий, шовқинсиз ва газ ва дизель ёқилғисига нисбатан камроқ харажатларни талаб қилади”, - дейди SamAuto маркетинг ва сотиш бўйича бош директор ўринбосари Илҳом Ярашев.