Ўзбекистон ва Россия ТИВлари Президентлар учрашувига тайёргарлик масаласини муҳокама қилишди
21/04/2016 19:17
Ўзбекистон ва Россия ТИВлари Президентлар учрашувига тайёргарлик масаласини муҳокама қилишди
Тошкент, Ўзбекистон (UzDaily.uz) -- Ўзбекистон ва Россия Ташқи ишлар вазирлари ўринбосарлари Ўзбекистон Республикаси Президенти Ислом Каримовнинг Москвага бўладиган ташрифига тайёргарлик кўриш масаласини муҳокама қилишди.
Мазкур учрашув 2016-йилнинг 21-апрель куни Москва шаҳрида ўтказилди. Учрашувда Россия томонидан Григорий Карасин ва Ўзбекистон томонидан Саидикром Ниёзхўжаевлар иштирок этишди.
Томонлар Ўзбекистон-Россия муносабатларини ўз ичига олган кун тартибидаги долзарб масалаларни, юқори даражада ўтиши кутилаётган Ўзбекистон-Россия учрашувига тайёргарлик масалаларини муҳокама қилишди.
Ўзбекистон Республикаси Президенти Ислом Каримовнинг Москвага бўладиган ташрифи апрель ойига режалаштирилган.
