Toshkent, O‘zbekiston (UzDaily.uz) — O‘zbekiston Prezidenti Shavkat Mirziyoyev «O‘zbekiston Respublikasi fuqarolarini navbatdagi muddatli harbiy xizmatga chaqirish va belgilangan xizmat muddatini o‘tab bo‘lgan harbiy xizmatchilarni qurolli kuchlar zaxirasiga bo‘shatish to‘g‘risida»gi qarorni imzoladi.

Hujjatga muvofiq, 2025-yil mart-aprel oylarida chaqiriq yoshiga yetgan, chaqiriqdan kechiktirish yoki ozod qilish huquqiga ega bo‘lmagan fuqarolar muddatli harbiy xizmatga jalb etiladi.

Bundan tashqari, joriy yilda chaqiriqqa loyiq bo‘lmagan, lekin harbiy xizmatga yaroqli deb topilgan fuqarolar safarbarlik rezerviga kiritiladi.

Muddatli harbiy xizmatni belgilangan muddatda tamomlagan harbiy xizmatchilar 2025-yil mart-aprel oylarida zaxiraga bo‘shatilishi rejalashtirilgan.